عيا يجيني النوم.....

المدير العام عدد المساهمات : 117

عيا يجيني النوم لامن خاطري سج
فـكـر يهــيم به لبـعيد وفـكـر يـسجه

كل ماقلت هــانت وهذا هي بتفرج
تشلشلت هواجيسي بطواري تشجه

لا من ذكرت الريم خــاطري أرتج
ضيعت دروبي وما عرفت أوجــه

حـتى الخـفـوق الهـادي تغيـر ودج
حـالـته مـتبهذله وفـوقه مــــستلجه

خاطــري نار وخــفـوقي بعــد وج
ودالـوب روحي نهـر طرياه يرجه

وألا يالــجتي لـجــه الذيــب لا لـج
ويامكــبـره الفــرق بين لجه ولجـه

على راعي الرمش الكحيل المدعج
لمحــته و زجــني بالهـــوى زجــه

وشــوقي أشــتعل في قلبي وتأجـج
وما خلاني أهـجع الليل الله يـرجه

قــــلبي من شـــوفــته والله تــبـنج
وماغـــير ملقاه وحكيه يفك بنــجه

مـحـتاس قـلبي منه حــوسه الحـج
لــيلي نهار والأجــواء كلها ضجه

حسبي عليه خلى التكلف معي منهج
وأنــا بعـلـوم المـناهـج والله مــدجه

ولا من حاكيته صد عني وتمجمج
وقـــام يتــهرب بعـبارات مستمجه

وأن قــلت بجــفاه خـاطري تهربج
ومالي معه حيله وحــارت الحــجه

وســلام يا سامعي وعساها تـفــرج
ومــدري عـقـب هـالعلم وين أوجه

الرتبة عدد المساهمات : 114

كلمات رائعه جداجدا مشكوووور

تقبل مروري

» كيف تتخلص من المزاج السئ عند الاستيقاظ من النوم؟؟!